Shaahe Do Aalam Salaam Assalam

Shaahe Do Aalam Salaam Assalam

Shaahe Do Aalam Salaam Assalam
Ghareebon Ke Ham Dam Salaam

Aap Ne Jo Kardiya Ungli Ka Ishara
Chand Do Tukde Hue Khurban Hogaya
Jab Namaze Asr Ali Ki Hui Qaza
Aapne Suraj Ko Dobara Palat Diya
Aap Jo Kiye Maujze Bane
Aap Jab Chale Do Jahan Jhuke
Mera Sar Bhi Hai Qam Salaam Assalam.

Rab Ne Bade Pyar Se Meraj Me Kaha
Rehne Do Nalain Ko Aajao Mustafa
Qadme Muhammad Ka Liya Arsh Ne Bosa
Jhoom Uthe Saare Malaik Wo Marhaba
Maange Jo Nabi Rab Ne Wo Diya
Rab Ne Jo Diya Nabi Ne Wo Liya
Jhuka Arshe Aazam Salaam Assalam.

Hashr Me Ummat Ko Jahannam Se Bachana
Aasiyon Ko Noor Ki Chadar Me Chupana
Zindagi Hamari Gunahon Me Kati Hai
Ya Nabi Baqshish Pe Nazar Sab Ki Lagi Hai
Shahe Ambiya Dena Aasra
Noore Kibriya Sunlo Ye Sada
Karam Jaane Aalam Salaam Assalam.

Ya Nabi Mushkil Hua Ab Hind Me Jeena
Nazre Karam Se Hame Bulwalo Madina
Kaise Bhala Aasake Na Maal Wo Zar Hai
Ham Se Badi Door Madine Ka Sheher Hai
Der Na Karo Jald Bulalo
Dar Pe Bulakar Apna Banalo
Nikal Jaaye Na Dam Salaam Assalam.

Shaahe Do Aalam Ki To Kya Shaan Badi Hai
Khud Khudaye Paak Sana Khwane Nabi Hai
Aye Hafeez Tujhko Di Rehmath Rasool Ne
Noor Ke Qalam Ko Di Taqat Rasool Ne
Noor Ne Liya Naame Mustafa
Kardiya Khuda Sab Use Ataa
Hua Door Har Gham Salaam Assalam.