Aye Habeebe Ahmade Mujtaba

Aye Habeebe Ahmade Mujtaba

Aye Habeebe Ahmade Mujtaba
Dile Mubtala Ka Salaam Lo
Jo Wafa Ki Raah Me Khogaya
Usi Gumshuda Ka Salaam Lo.

Mai Talab Se Baaz Na Aaunga
Tu Karam Ka Haath Badhaeja
Jo Tere Karam Se Hai Aashna
Us Aashna Ka Salaam Lo.

Gira...
Huzoor Aisa Koi Intezaam Hojaye
Salaam Ke Liye Haazir Ghulam Hojaye

Badi Ghareebi Hai Majboor Hogaye Hain Ham
Tumhare Dar Se Bohot Door Hogaye Hain Ham

Jo Hukm Ho To Madina Dekhne Aayen
Dayare Paak Ki Deewar Choomne Aayen

Agar Naseeb Se Gumbad Hara Nazar Aaye
Qasam Khuda Ki Ghareebon Ki Eid Hojaye.

Meri Haazri Ho Madine Me
Mile Lutf Mujhko Bhi Jeene Me
Tera Noor Ho Sab Ke Seene Me
Meri Iss Dua Ka Salaam Lo.

Koi Marraha Hai Bahisht Par
Koi Chahta Hai Najaat Ko
Mai Tujhi Ko Chahun Khuda Kare
Meri Iss Dua Ka Salaam Lo.

Wo Hussain Jisne Chidak Ke Khoon
Chamane Wafa Ko Hara Kiya
Usi Jaan Nisaar Ka Waasta
Ke Har Ek Gada Ka Salaam Lo.

Yehi Roz -O- Shab Hai Dua Meri
Ke Marun To Tere Dayaar Me
Yehi Mudduae Hayaat Hai
Isi Muddua Ka Salaam Lo.

Sabhi Auliya Ke Buland Sar
Hai Qadam Pe Jinke Jhuke Hue
Ussi Pyaare Ghouse Ka Waasta
Ke Har Ek Gada Ka Salaam Lo.

Wo Aijaz Khasta -O- Benawa
Wo Qateel Taighe Firaaq Ka
Dile Daaghdaar Ka Waasta
Meri Iss Dua Ka Salaam Lo.