Aye Deen -E- Haq Ke Rehbar

Aye Deen -E- Haq Ke Rehbar

Aye Deen -E- Haq Ke Rehbar
Tum Par Salaam Har Dam
Mere Shafi -E- Mehshar
Tum Par Salaam Har Dam.

Iss Bekaso Azee Par
Jo Kuch Guzar Rahi Hai
Zahir Hai Sab Wo Tum Par
Tum Par Salaam Har Dam.

Banda Tumhare Dar Ka
Aafat Me Mubtala Hai
Rehm -E- Habeebe Daawar
Tum Par Salaam Har Dam.

Lillah Ab Hamari
Fariyaad Ko Pohonchiye
Behad Hai Haal Abtar
Tum Par Salaam Har Dam.

Koi Nahi Hai Mera
Mai Kiske Daad Chahun
Sultane Banda Parwar
Tum Par Salaam Har Dam.

Bulwa Ke Apne Dar Par
Ab Mujhko Dije Izzat
Phirta Hoon Khwaar Dar Dar
Tum Par Salaam Har Dam.

Mohtaj Se Tumhare
Karte Hain Sab Kinara
Bas Ek Tumhi Ho Yaawar
Tum Par Salaam Har Dam.

Apne Gada -E- Dar Ki
Lije Qabar Khudara
Kije Karam Hasan Par
Tum Par Salaam Har Dam.