Aye Shahinshahe Madina Assalatu Wassalaam

Aye Shahinshahe Madina Assalatu Wassalaam

Aye Shahinshahe Madina Assalatu Wassalaam
Zeenat -E- Arshe Mo'alla Assalatu Wassalaam.

Buth Shikan Aaya Ye Kehkar Sar Ke Bal Buth Gir Pade
Jhoom Kar Kehta Tha Kaaba Assalatu Wassalaam.

Rabbi Habli Ummati Kehte Hue Paida Hue
Rab Ne Farmaya Ke Baqsha Assalatu Wassalaam.

Dast Basta Sab Farishte Padhte Hain Unpar Durood
Kyun Na Ho Phir Wird Apna Assalatu Wassalaam.

Sar Jhuka Kar Ba Adab Ishq -e- Rasoolallah Me
Keh Raha Hai Har Sitara Assalatu Wassalaam.

Mominon Padhte Raho Tum Apne Aaqa Par Durood
Hai Farishto Ka Wazifa Assalatu Wassalaam.

Ghunche Chatke Phool Mehke Chehchahayein Bulbulein
Gul Khila Baaghe Ahad Ka Assalatu Wassalaam.

Jab Farishte Qabr Me Jalwa Dikhayein Aapka
Ho Zuban Par Pyaare Aaqa Assalatu Wassalaam.

Mai Wo Sunni Hoon Jameel -E- Quadri Marne Ke Baad
Mera Laasha Bhi Kahega Assalatu Wassalaam.