Bulalo Sarkar Tum Apne Dar Par

Bulalo Sarkar Tum Apne Dar Par

Bulalo Sarkar Tum Apne Dar Par
Durood Tum Par Salaam Tum Par
Karam Ho Ham Par Bhi Banda Parwar
Durood Tum Par Salaam Tum Par

Wo Sabz Gumbad Sunehri Jaali
Lauta Na Koi Wahan Se Khaali
Banado Mera Bhi Ab Muqaddar
Durood Tum Par Salaam Tum Par.

Na Paas Hai Zar Na Par Hain Mere
Chala Bhi Jaata Nahi Hai Mujhse
Phir Kaise Pohonchun Tumhare Dar Par
Durood Tum Par Salaam Tum Par.

Hazaar Koshish Mai Karraha Hoon
Ke Mai Bhi Ek Din Madine Aaun
Rahun Tumhara Ghulam Bankar
Durood Tum Par Salaam Tum Par.

Kabhi To Aayega Wo Zamana
Yaqeenan Hoga Madina Jaana
Padhenge Rauze Pe Sar Jhuka Kar
Durood Tum Par Salaam Tum Par.

Ye Aarzu Hai Madina Jaayen
Pakad Ke Jaali Ye Keh Sunayen
Bachalo Humko Baroze Mehshar
Durood Tum Par Salaam Tum Par.