Kamli Waale Ka Naam Le Le Kar

Kamli Waale Ka Naam Le Le Kar

Kamli Waale Ka Naam Le Le Kar
Be Sahare Salaam Karte Hain
Hajiyon Mustafa Se Kehdena
Gham Ke Maare Salam Karte Hain.

Allah Allah Huzoor Ki Baatein
Marhaba Rango Noor Ki Baatein
Chand Jinki Balaen Leta Hai
Aur Taare Salaam Karte Hain.

Allah Allah Huzoor Ke Gesu
Bheeni Bheeni Mehekti Wo Khushbu
Jinse. Maamur Hai Fiza Har Soo
Wo Nazaare Salaam Karte Hain.

Zikr Tha Aaqri Mahine Ka
Chid Gaya Tazkira Madine Ka
Ummati Jhoom Jhoom Ke Tum Ko
Rab Ke Pyaare Salam Karte Hain.

Zaaire Taiba Tu Madine Me
Mere Aaqa Se Itna Kehdena
Aapki Garde Raah Ko Aaqa
Be Sahare Salaam Karte Hain.

Jab Muhammad Ka Naam Aata Hai
Rehmaton Ka Payaam Aata Hai
Lab Hamare Durood Padhte Hain
Dil Hamare Salaam Karte Hain.

Aye Khuda Ke Habeeb Pyare Rasool
Ye Hamara Salaam Kije Khubool
Aaj Mehfil Me Jitne Haazir Hain
Milke Saare Salaam Karte Hain.

Jalwa Gaahe Shahe Anaam Hai Ye
Unke Rauze Ka Ehteraam Hai Ye
Sabz Gumbad Ko Aaj Bhi Anwar
Chand Taare Salaam Karte Hain.