Wo Bazme Khaas Jo Darbare Aam Hojaye

Wo Bazme Khaas Jo Darbare Aam Hojaye

Wo Bazme Khaas Jo Darbare Aam Hojaye
Umeed Hai Ke Hamara Salaam Hojaye.

Idhar Bhi Ek Nigahe Lutf -E- Aam Hojaye
Ke Aashiqon Me Hamara Bhi Naam Hojaye.

Ye Aarzu Hai Ke Ek Baar Zindagani Me
Dare Huzoor Pe Haazir Ghulam Hojaye.

Bulalo Jald Madine Me Ya Rasoolallah
Kahin Na Umr Do Roza Tamaam Hojaye.

Madine Jaaun Phir Aaun Dobara Phir Jaaun
Tamaam Umr Isi Me Tamaam Hojaye.

Talab Na Baagh -E- Iram Ki Na Khwahish -E- Jannat
Ataa Mujhe Dare Khairul Anaam Hojaye.