Har Taraf Anwaar Ki Barsaat Hai

Har Taraf Anwaar Ki Barsaat Hai

Har Taraf Anwaar Ki Barsaat Hai
Aamade Sarkar Ki Kya Baat Hai.

Raat Jo Guzri Nabi Ke Zikr Me
Din Se Behtar Wo Hamari Raat Hai.

Kyun Mai Mangun Jab Mere Kashkol Me
Naqshe Naale Paak Ki Khairat Hai.

Waali -E- Kauno Makaan Ke Zikr Se
Wajd Me Saari Ye Kayenaat Hai.

Naushae Bazme Jina Ke Waaste
Ambiya Ki Saf Ba Saf Baraat Hai.

Yoon To Gumbad Hai Jahan Me Aur Bhi
Gumbade Khazra Teri Kya Baat Hai.

Kis Tarha Likhun Mai Midhat Aapki
Jab Madha Khwan Khud Khuda Ki Zaat Hai.

Kis Qadar Rehan Khush Qismat Hai Tu
Teri Baqshish Ka Wasila Naat Hai.
--------------------

Kaun Kehta Hai Muhammad Door Hai
Dil Ki Khidki Kholiye Deedar Hai.

Kyun Pareshan Hoon Mai Baqshish Ke Liye
Baqshwane Ke Liye Sarkar Hai.

Aagaya Hai Aamena Bibi Ka Laal
Ab Samjhlo Sab Ka Beda Paar Hai.

Dushmane Aale Nabi Se Jung Hai
Ab Samajhlo Aar Hai Ya Paar Hai.

Aa Nahi Sakta Yahan Shaitan Kabhi
Mere Dil Me Haidare Karrar Hai.