Amina Bibi Ke Gulshan Me

Kalaam of Amjad Hyderabadi

Amina Bibi Ke Gulshan Me
Aayi Hai Taaza Bahaar
Padhte Hain Sallallahu Wasallam
Aaj Daro Deewar.

Baara Rabbiul Awwal Ko Wo
Aaya Durre Yateem
Maahe Nabuwwat Mehre Risalath
Sahibe Khulqe Azeem.

Jibreel Aaye Jhoola Jhulane
Lori De Rahman
Soja Soja Rehmate Aalam
Do Jag Ke Sultan.

Pyaari Surath Hasta Chehra
Moo Se Jhadte Phool
Noor Sarapa Chand Sa Chehra
Haq Ka Pyaara Rasool.

Hamid -O- Mahmood Aur Muhammad
Do Jag Ke Sardaar
Jaan Se Pyaara Raaj Dulara
Rehmath Ki Sarkar.

Yaseen -O- Taha Kamli Waala
Quran Ki Tafseer
Haazir -O- Naazir Shaahid -O- Qasim
Aaya Siraje Muneer.

Awwal -O-Aakhir, Sab Kuch Jaane
Dekhe Ba'eedo Qareeb
Ghaib Ki Khabrein Dene Waala
Allah Ka Wo Habeeb.

Door Balayein Karne Waala
Ummat Ka Ghamkhwaar
Haafiz -O- Haami, Shaafi -O- Naafi'
Rehmath Ki Sarkaar.

Kufr -O- Shirk Ki Kaali Ghatayein
Hogayin Saari Door
Mashriq -O- Maghrib -O- Duniya Andar
Hogaya Noor Hi Noor.

Mu Pe Naqaabe Taha Daale
Sar Pe Hain Najma Ke Phool
"Inna Fatahna" Ke Haar Gale Me
Pehne Janabe Rasool.

Amjad Ka Dil Mutthi Me Lekar
Soye Ho Kyun Anjaan
Nanhe Qadmon Par Sar Ko Rakhkar
Hojaun Mai Qurban.