Nigahe Rehmath Uthi Hui Hai

Kalaam of Muhammad Ali Zahoori

Nigahe Rehmath Uthi Hui Hai
Wo Sab Ki Bigdi Bana Rahe Hain
Khula Hua Hai Kareem Ka Dar
Bhare Khazane Luta Rahe Hain.

Gira…
Wo Ghar Baithe Hi Mil Jaata Hai
Jo Likha Ho Muqaddar Me
Aur Jo Qismat Me Na Likha Ho
Wo Milta Hai Madine Se

Gira…
Aata Hai Faqeeron Pe Unhe Pyaar Kuch Aisa
Khud Bheek Den Aur Khud Kahen Mere Mangte Ka Bhala Ho
Mangta To Raha Mangta Koi Shahon Me Dikhado
Jisko Mere Sarkar Se Tukda Na Mila Ho

Sher...
Falak Ka Seena Damak Raha Hai
Zameen Ka Gulshan Mehek Raha Hai
Chide Hai Salle Alaa Ke Naghme
Huzoor Tashreef La Rahe Hain.

Karega Ye Hashr Bhi Nazara
Banege Mushkil Me Wo Sahara
Karenge Sab Intezaar Unka
Wo Aa Rahe Hain Wo Aarahe Hain.

Ba Roze Mehshar Ba Waqte Pursish
Mujhe Jo Dekha Farishte Bole
Idhar Pareshan Kyun Khade Ho
Tumhe To Aaqa Bularahe Hain.

Na Unke Jaisa Azeem Dekha
Na Aisa Durre Yateem Dekha
Zamana Thukra Raha Hai Jinko
Unhe Wo Seene Laga Rahe Hain.

Nabi Ki Tauseef Allah Allah
Ke Daad Jibreel De Rahe Hain
Zahoori Kya Khush Naseeb Hai Jo
Nabi Ki Naatein Suna Rahe Hain.