Dilon Ke Gulshan Mehek Rahe Hain

Dilon Ke Gulshan Mehek Rahe Hain

Dilon Ke Gulshan Mehek Rahe Hain
Ye Kaif Kyun Aaj Aarahe Hain
Kuch Aisa Mehsoos Horaha Hai
Huzoor Tashreef Laa Rahe Hain.

Nawazishon Par Nawazishen Hain
Inayathon Par Inayatein Hain
Nabi Ki Naatein Suna Suna Kar
Ham Apni Qismath Jaga Rahe Hain.

Kahin Pe Raunaq Hai Maikashon Ki
Kahin Pe Mehfil Hai Dil Jalon Ki
Wo Kitne Khush Baqt Hain Jo Apne
Nabi Ki Mehfil Sajarahe Hain.

Na Paas Pee Ho To Soona Sawan
Wo Jis Se Raazi Wohi Suhagan
Jinho Ne Pakda Nabi Ka Daman
Unhi Ke Ghar Jagmaga Rahe Hain.

Kahan Ka Mansab Kahan Ki Daulat
Qasam Khuda Ki Ye Hai Haqeeqat
Jinhe Bulaya Hai Mustafa Ne
Wohi Madine Ko Jarahe Hain.

Habeebe Dawar Ghareeb Parwar
Rasoole Akram Karam Ke Paikar
Kisi Ko Dar Pe Bularahe Hain
Kisi Ke Khwabon Me Aarahe Hain.

Mai Apne Khairul Wara Ke Sadqe
Mai Unki Shaane Ataa Ke Sadqe
Bhara Hai Aibon Se Mera Daman
Huzoor Phir Bhi Nibha Rahe Hain.

Banega Jaane Ka Phir Bahana
Kahega Aakar Koi Deewana
Chalo Niyazi Tumhe Madine
Madine Waale Bularahe Hain.