Ham Apne Nabi Paak Se Yoon Pyaar Karenge

Kalaam of Nisar Ali Ujagar

Ham Apne Nabi Paak Se Yoon Pyaar Karenge
Har Haal Me Sarkar Ka Milad Karenge.

Jashne Wiladat Ki Raunaq Pe Yaaro
Marte Hai Sunni Marte Rahenge.
Apne Nabi Ki Azmat Ka Charcha
Karte Hai Sunni Karte Rahenge.

Kuch Jalne Waale Dekh Ke Kehte Hain Hamesha
Sarkar Ki Aamad Pe Lagate Ho Kyun Paisa
Yeh Paisa To Kya Cheez Hai Ham Ghar Bhi Lutadein
Koi Nahi Jahan Mein Sarkar Ke Jaisa.

Mere Nabi Aa Gaye Marhaba Ya Mustafa
Pyaare Nabi Aa Gaye Marhaba Ya Mustafa
Lajpal Nabi Aa Gaye Marhaba Ya Mustafa
Ghamkhar Nabi Aa Gaye Marhaba Ya Mustafa

Sahibe Mehraj Nabi
Aasiyon Ki Laaj Nabi
Nabiyon Ke Sartaj Nabi
Kal Bhi The Aur Aaj Nabi
Do Jahan Ke Raaj Waale
Mere Nabi Aa Gaye

Har Kharji Fasadi Watan Se Bhagayenge
Padh Ke Durud Sabko Miladi Banayenge
Layenge Ham Huzur ka Islam Takht par
La-Deeniyat Ke Saare Buton Ko Girayenge.

Taklif Hoti Hai Tujhe Mirchi Bhi Lagti hai
Jab Barwih Pe Lighton Se Galiyan Bhi Sajti hai
Kyun Chidta Hai Tu Dekh Ke Jhandon Ki Baharen
Tazime Nabi Ho Toh Sabhi Achi Lagti Hai.

Nisaar Teri Chahel Pehel Par
Hazaron Eidein Rabbiul Awwal
Siwaye Iblees Ke Jahan Me
Sabhi To Khushiyan Mana Rahe Hain.

Lalach Na Do Hum Naame Muhammad Pe Marenge
Milad Pe Samjhota Kiya Hai Na Karenge
Bardasht Na Karenge Juluson Pe Rukawat
Milade Muhammad Ka Mission Jari Rakhenge.

Tera Khawan Mai Tere Geet Gawan Ya Rasoolallah
Tera Milad Mai Kyun Na Manawan Ya Rasoolallah

Taleem Pehle Dunga Muhammad Ke Jashn Ki
Tehzeeb Sikhaunga Muhammad Ke Jashn Ki
Virse Mein Chor Jaunga Milad Ki Lagan
Mere Bhi Bacche Jashne Wiladat Manayenge.

Mere Nabi Aa Gaye Marhaba Ya Mustafa
Pyaare Nabi Aa Gaye Marhaba Ya Mustafa
Lajpal Nabi Aa Gaye Marhaba Ya Mustafa
Ghamkhar Nabi Aa Gaye Marhaba Ya Mustafa

Ham Apni Muhabbath Ka Yoon Ailaan Karenge
Ham Jashne Muhammad Pe Fida Jaan Karenge
Milad Ki Rally -O- Julooson Me Lejaa Kar
Aulad Bhi Sarkar Pe Qurban Karenge.

Qeemat Jahan Me Apni Ujaagar Giraoge
Aaqa Ko Chhod Kar Kabhi Izzat Na Paaoge
Mazboot Karlo Rishta Nabi Se To Jiyoge
Rishta Nabi Se Todoge To Toot Jaaoge.

Sahibe Mehraj Nabi Aasiyon Ki Laaj Nabi
Nabiyon Ke Sartaj Nabi Kal Bhi The Aur Aaj Nabi
Do Jahan Ke Raaj Waale Mere Nabi Aa Gaye.