Noor Waala Aaya Hai

Noor Waala Aaya Hai

Noor Waala Aaya Hai Noor Lekar Aaya Hai
Saare Aalam Me Ye Dekho Kaisa Noor Chaaya Hai.

Jab Talak Ye Chand Taare Jhilmilate Jayeinge
Tab Talak Jashne Wiladat Ham Manaate Jaayeinge.

Hashr Tak Jashne Wiladath Ham Manaate Jayeinge
Marhaba Ya Mustafa Ki Dhoom Machaate Jayinge.

Naate Mehboobe Khuda Sunte Sunaate Jayinge
Ya Rasoolallah Ka Naara Lagaate Jayeinge.

Chaar Janib Ham Diye Ghee Ke Jalaate Jayeinge
Ghar To Ghar Saare Mohalle Ko Sajaate Jayeinge.

Behre Baqshish Paas Apne Kuch Nahi Iske Siwa
Umr Bhar Naatein Suneinge Aur Sunaate Jayeinge.

Jashne Milade Mubarak Kaise Chorein Ham Bhala
Jinka Khaatein Hain Unhi Ke Geet Gaate Jayeinge.

Eide Miladun Nabi Ki Shabe Charaghan Karke Ham
Qabr Noore Mustafa Se Jagmaate Jayeinge.

Tum Karo Jashne Wiladath Ki Khushi Me Raushni
Wo Tumhari Gor -E- Teera Jagmaate Jayeinge.

Hashr Tak Daaleinge Ham Paidaishe Maula Ki Dhoom
Misle Faaras Najd Ke Qil'e Giraate Jayeinge.

Naat Khwani Maut Bhi Ham Se Chura Sakti Nahi
Qabr Me Bhi Mustafa Ke Geet Gaate Jayeinge.

Hashr Me Zere Liwaye Hamd Aye Attar Ham
Naate Sultane Madina Gungunaate Jayeinge.