Wo Jiske Liye Mehfile Kaunain Saji Hai

Wo Jiske Liye Mehfile Kaunain Saji Hai

Wo Jiske Liye Mehfile Kaunain Saji Hai
Firdouse Bareen Jiske Wasile Se Bani Hai
Wo Hashmi Makki Madani -Ul- Arabi Hai
Wo Mera Nabi Mera Nabi Mera Nabi Hai.

Ahmed Hai Muhammad Hai Wohi Khatme Rusul Hai
Maqdoom -O- Murabbi Hai Wohi Waali -E- Kul Hai
Uss Par Hi Nazar Saare Zamane Ki Lagi Hai
Wo Mera Nabi Mera Nabi Mera Nabi Hai.

Wa Shams Zuhaa Chehraye Anwar Ki Jhalak Hai
Wallayli Sajaa Gesue Hazrath Ki Lachak Hai
Aalam Ko Ziya Jiske Waseele Se Mili Hai
Wo Mera Nabi Mera Nabi Mera Nabi Hai.

Allah Ka Farmaan Alam Nashrah Laka Sadrak
Mansoob Hai Jis Se Wara Fa'ana Laka Zikrak
Jis Zaat Ka Quran Me Bhi Zikre Jali Hai
Wo Mera Nabi Mera Nabi Mera Nabi Hai.

Yaseen Muzammil Ho Muddasir Ho Ya Taha
Kya Kya Naye Alqaabon Se Maula Ne Pukara
Kya Shaan Hai Uski Ke Jo Ummi Laqabi Hai
Wo Mera Nabi Mera Nabi Mera Nabi Hai.

Wo Zaat Ke Jo Mazhare Lau Laaka Lama Hai
Jo Sahibe Rafraf Shabe Meraj Hua Hai
Asra Me Imaamat Jise Nabiyon Ki Mili Hai
Wo Mera Nabi Mera Nabi Mera Nabi Hai.

Kis Darja Zamane Me Thi Mazloomiye Aurat
Phir Jiski Badaulath Mili Ise Izzato Rif'ath
Wo Mohsino Gham Khwaar Hamara Hi Nabi Hai
Wo Mera bhi Nabi Mera Nabi Mera Nabi Hai...