Jhoole Jhoole Pyaare Muhammad

Jhoole Jhoole Pyaare Muhammad

Jhoole Jhoole Pyaare Muhammad
Noor Ke Jhoole Me Jhoole
Daayin Haleema Jhoola Jhulaye
Rehmate Aalam Jhoole.

Inka Jhoola Rehmaton Waala
Farsh Pe Baala Arsh Se Aala
Kehta Hai Ye Jhulane Waala
Saaqi -E- Kausar Jhoole.

Aamena Bi Ka Wo Hai Jaaya
Daayin Haleema Ke Ghar Aaya
Qudsiyon Ne Milkar Gaaya
Shafaye Mehshar Jhoole.

Aaqa Ke Sab Naaz Uthaye
Waari Jaaye Sadqe Jaaye
Hooro Malaik Milkar Gaaye
Khizr Ke Rehbar Jhoole.

Chand Sitaaron Se Khelne Waale
Ultha Suraj Pherne Waale
Rab Ka Jalwa Dekhne Waale
Deen Ke Sarwar Jhoole.

Bekas -O- Bebas Ke Wo Mohsin
Dono Jahan Ke Hai Wo Mohsin
Ghaib Se Aayi Sada Ye Mohsin
Noor Ke Paikar Jhoole.