Shaahe Taiba Ke Naam Do Qadam Saath Saath

Kalaam of Khan Quadri (Arshad Habibi)

Shaahe Taiba Ke Naam Do Qadam Saath Saath
Mere Aaqa Ke Naam Do Qadam Saath Saath.

Gungunate Chalo Muskurate Chalo
Naraye Ya Muhammad Lagate Chalo.

Nafraton Ko Muhabbat Me Dhaalenge Ham
Aao Sabko Gale Se Lagayenge Ham.

Iss Qadar Ham Pe Maula Ka Ehsaan Hai
Apne Haathon Me Aaqa Ka Damaan Hai.

Aao Mil Jhul Ke Shaana Ba Shaana Chalein
Dekhle Aaj Saara Zamana Chalein.

Khoti Qismath Banane Chalo Saath Saath
Mustafa Ko Manane Chalo Saath Saath.

Karwane Muhammad Rukega Nahi
Kamli Waale Ka Jhanda Jhukega Nahi.

Jashne Milad Hai Kya Haseen Baat Hai
Sab Ke Daman Me Khushiyon Ki Khairat Hai.

Eid -E- Milad Hai Saare Dil Shaad Hai
Aaj Viraniyan Saare Aabaad Hai.

Mominon Unki Aamad Ka Charcha Karo
Apna Sab Kuch Muhammad Pe Waara Karo.

Daaldein Apni Naslon Ko Islam Par
Sab Nichawar Karein Haq Ke Paigham Par.

Mast -O- Bekhud Hain Sab Jashne Milad Me
Haidari Hain Sabhi Hyderabad Me.

Sayyada Ka Gharana Salamath Rahe
Mustafa Ka Gharana Salamath Rahe.

Sayyada Fatima Tayyaba Tahira
Baqshishon Ka Thikana Salamath Rahe.

Qalbe Arshad Ki Hai Bas Yehi Ilteja
Har Musalman Sipahi Bane Deen Ka.