Bohot Pyaar Karte Hain Murshid Se Ham

Bohot Khubsurath Hai Mera Sanam
Khuda Aise Mukhde Banaata Hai Kam.
------------------------

Bohot Pyaar Karte Hain Murshid Se Ham
Khuda Na Kare Ye Muhabbath Ho Kam..

Gira..
Ab Nazar Me Koi Nahi Jachta
Aapko Jabse Ek Nazar Dekha.

Ab Kya Kisi Se Kaam Tumhe Dekhne Ke Baad
Sabko Mera Salaam Tumhe Dekhne Ke Baad.

Khushi To Ye Hai Ke Apni Na Ki Khushi Maine
Teri Khushi Pe Lutaadi Hai Zindagi Maine.

Kabhi Khushi Se Khushi Ki Taraf Nahi Dekha
Tumhare Baad Kisi Ki Taraf Nahi Dekha.

Sher...
Tasawwur Tumhara Ye Meri Bandagi Hai
Tumhe Dekhna Kya Khuda Se Hai Kam.

Girah...
Tasawwur Se Dilo Jaan Me Ujaala Karliya Maine
Jab Aankhein Band Ki Unka Nazaara Karliya Maine.

Koi Gum Hua Hai Jalwon Me Tere
Koi Gaaraha Hai Sanam Hi Sanam.

Tera Dar Dare Mustafa Bangaya Hai
Yahan Sar Jhukaate Hain Saare Sanam.

Wohi Mera Kaaba Wohi Hai Madina
Jahan Par Tumhara Hai Naqshe Qadam.

Tere Dar Ki Mitti Bohot Qeemti Hai
Ke Laakhon Bane Hain Iram Wo Haram.

Mere Peer Fehmi Ki Nisbath Badi hai
Isi Ki Badaulath Hai Mera Bharam.

Khula Nukta Maroof Ye Mere Sanam Se
Khuda Noor Bankar Khudi Me Hai Zam.