Aayate Qurane Naatiq Aynuma Aankhon Me Hai

Kalaam of Ulvi

Tasawwur Me Hai Ek Nigaare Do Aalam
Tasadduq Hai Jispar Bahaare Do Aalam.
------------------
Aayate Qurane Naatiq Aynuma Aankhon Me Hai
Shaane Mir'ate Jamaale Kibriya Aankhon Me Hai.

Hubbe Haq Hubbe Rasoolallah Hubbe Ahle Bait
Aayina Dar Aayina Dar Aayina Aankhon Me Hai.

Doosre Ka Kya Guzar Aankhon Me Wo Jab Basgaya
Phoote Wo Aankhein Jo Koi Doosra Aankhon Me Hai.

Jiski Surath Dekhta Hoon Yaar Ka Naqsha Hai Wo
Dilruba Mai Khud Hoon Jabse Dilruba Aankhon Me Hai.

Hai Kamayi Umr Bhar Ki Ulvi Aankhon Me Mere
Faiz Hai Ye Mirza Ka Mirza Aankhon Me Hai.