Allah Ke Ghar Me Hoon
Allah Ke Ghar Me Hoon
Kalaam of Nisar Ali Ujagar Sahab
Allah Ne Bulaaya Hai, Allah Ke Ghar Me Hoon
Kaabe Ka Nazaara Hai, Allah Ke Ghar Me Hoon.
Darbar Ye Kaisa Hai Peshani Se Pehle Dil
Sajde Me Jhukaaya Hai, Allah Ke Ghar Me Hoon.
Mehmaan Khuda Ke Hain Ab Fikr Nahi Koi
Allah Ne Khilaana Hai, Allah Ke Ghar Me Hoon.
Wo Rukne Yamaani Ho Ya Rukne Iraaqi Ho
Har Kone Ko Chooma Hai, Allah Ke Ghar Me Hoon.
Ye Waqt Hai Izzath Ka Mizaab Hai Rehmath Ka
Sar Par Yehi Saaya Hai, Allah Ke Ghar Me Hoon.
Sajde Me Ujagar Hai Aur Saamne Kaaba Hai
Maula Ne Nawaza Hai, Allah Ke Ghar Me Hoon.