Karam Ki Joth Jalao Bohot Udaas Hoon Mai

Kalaam of Ismail Qadeer Quadri Sahab

Karam Ki Joth Jalao Bohot Udaas Hoon Mai
Naseeb Mera Banao Bohot Udaas Hoon Mai
Bhatak Raha Hoon Akela Jahane Faani Me
Khudara Raah Dikhao Bohot Udaas Hoon Mai
Gunahagar Hoon Ganda Mai Hoon Nahi Accha
Nigahe Khaas Uthao Bohot Udaas Hoon Mai.
Tadap Tadap Ke Yunhi Kab Talak Guzarun Shab
Kabhi to Jalwa Dikhao Bohot Udaas Hoon Mai.

Kahin Ye Aankhen Na Marjayein Khatm Doori Me
Madine Jald Bulao Bohot Udaas Hoon Mai.

Bohut Ghareeb Hoon Nadaar Hoon Yateem Bhi Hoon
Mujhe Bhi Seene Lagao Bohot Udaas Hoon Mai.
Meri Hayath Me Dekho To Bas Andhere Hain
Charaghe Deed Jalao Bohot Udaas Hoon Mai.
Qadeer Qabr Ki Tanhayi Mujhko Dasti Hai
Koi To Naat Sunao Bohot Udaas Hoon Mai.