Ahwal Unko Roke Sunane Ki Der Hai

Kalaam of Ismail Quadri

Ahwal Unko Roke Sunane Ki Der Hai
Dar Pe Wo Apne Mujhko Bulaane Ki Der Hai.

Qadmon Me Apne Mujhko Bithalenge Mustafa
Ashkon Se Naat Unko Sunane Ki Der Hai.

Jitne Bhi Dil Ke Zakhm Hai Hojayenge Gulaab
Kamli Wo Apni Mujhpe Udhaane Ki Der Hai.

Palkon Se Apni Choomunga Ro Ro Ke Baar Baar
Talwa Wo Apna Mujhko Dikhaane Ki Der Hai.

Shamso Qamar Bhi Sadqa Utaarenge Husn Ka
Rukh Se Naqaab Aaqa Hataane Ki Der Hai.

Khulde Bareen Me Dakhila Hojayega Qadeer
Sarkar Apne Lab Ko Hilaane Ki Der Hai.