Agar Che Mehr -O- Maah Se Raat Din Hai Raabta Apna

Kalaam of Hazrath Hameed Uddin Sharfi Sahab (Saifi)

Agar Che Mehr -O- Maah Se Raat Din Hai Raabta Apna
Magar Noore Muhammad Se Hai Raushan Aayina Apna.

Sare Waadi Rakhein Paa Posh Az Bar Waqiya Apna
Ye Arshe Paak Hai Nalain Samjhein Martaba Apna

Dame Isaa Zara Lele Dobara Jaaiza Apna
Nigahe Mustafa Ne Kardiya Jo Kaam Tha Apna.

Nabi Choolein To Kya Aatish Dikhaye Hausla Apna
Dehekti Aag Me Jabir Ne Daala Paarcha Apna.

Bachao Khud Ko Oonton Se Na Rakho Waasta Apna
Suraqa Khair Isme Hai Badal Do Faisla Apna.

Yehi Saifi Bohot Hai Do Jahan Me Aasra Apna
Qudoom -E- Sayyade Kaunain Se Hai Waasta Apna.