Ali Mushkil Kusha Ka Naam Japna Meri Aadat Hai

Ali Mushkil Kusha Ka Naam Japna Meri Aadat Hai

Kalaam of Asad Sanayi Sahab

Ali Mushkil Kusha Ka Naam Japna Meri Aadat Hai
Ali Mushkil Kusha Ka Naam Hi Meri Zaroorat Hai.

Ali Mushkil Kusha Ka Naam Himmat Hai Ghareebon Ki
Ali Mushkil Kusha Ke Naam Me Roohani Taaqat Hai.

Ali Mushkil Kusha Ka Naam Jaise Dhoop Me Saaya
Ali Mushkil Kusha Ka Naam Hi Wajhe Sakeemat Hai.

Ali Mushkil Kusha Hain Baabe Shehre Ilm Sartapa
Ali Mushkil Kusha Ki Zaat Taqdeere Wilayath Hai.

Ali Mushkil Kusha Hain Qaazi -E- Hajaat Ka Darpan
Ali Mushkil Kusha Ki Shaqsiyath Jaane Saqawath Hai.

Ali Mushkil Kusha Ki Zaat Yaane Zulfiqariyyat
Ali Mushkil Kusha Ki Baat Khaalis Haidariyyat Hai.

Ali Mushkil Kusha Hain Mamba -O- Masdar Tareeqat Ka
Ali Mushkil Kusha Ki Jaan Hi Jaane Shariyath Hai.

Ali Mushkil Kusha Ki Yaad Jaise Naghmae Wehdat
Ali Mushkil Kusha Ka Zikr Quran Ki Tilawat Hai.

Ali Mushkil Kusha Bhooke Rahen Aur De Ghareebon Ko
Ali Mushkil Kusha Ki Kya Ajab Shaane Sakhawat Hai.

Dare Khaibar Sare Marhab Pe Taari Hai Asad Larzaan
Ali Mushkil Kusha Ke Naam Ki Har Ek Pe Haibat Hai.