Paaye Haq Ko Paaye Jab Asraare Shaikh

Kalaam of Hazrath Watan R.a

Paaye Haq Ko Paaye Jab Asraare Shaikh
Dekhe Haq Ko Dekhe Jab Deedare Shaikh.

Haq Se Baatein Karlo Moosa Ki Tarha
Goshe Dil Se Gar Suno Guftaare Shaikh.

Jab Talak Taar -E- Nafas Sattaar Hai
Tootne Paaye Na Mujhse Taar -E- Shaikh.

Arsh Par Rehne Ki Hai Kisko Hawas
Bas Hai Mujhko Saaya -E- Deeware Shaikh.

Ahle Jannat Ko Jinaam Ho Khaare Majn
Dekhlein Gar Nuzhate Gulzaare Shaikh.

Naam Hai Bandon Me Go Akbar Ali
Hai Nishane Haq Magar Aasare Shaikh.

Hashr Ka Sauda Hua Karta Hai Yaan
Aye Watan Sar Garm Hai Bazaare Shaikh.