Bolun To Kya Mai Bolun Muhammad Ki Shaan Me

Kalaam of Ismail Qadeer Quadri Sahab

Bolun To Kya Mai Bolun Muhammad Ki Shaan Me
Taaqat Nahi Hai Doston Itni Zubaan Me.

Chaaho To Chaak Karke Mera Seena Dekhlo
Unke Siwa Koi Nahi Dil Ke Makaan Me.

Ghabrao Gunahgaron Na Ghabrao Muflison
Aajao Panjatan Ke Sabhi Saayeban Me.

Jab Se Jhuka Hoon Aale Muhammad Ke Dar Pe Mai
Khismat Ko Mujhpe Naaz Hai Sar Hai Uthaan Me.

Aale Nabi Ne Deke Ghulami Ka Ye Sharaf
Mash'hoor Kardiya Mujhe Saare Jahan Me.

Lab Par Sanaye Ahmade Muqthar Hai Qadeer
Quran Padhraha Hoon Mai Urdu Zubaan Me.