Daulate Kaunain Qurban Aap Par Ya Fatima

Daulate Kaunain Qurban Aap Par Ya Fatima

Daulate Kaunain Qurban Aap Par Ya Fatima
Aap Hain Sarmaya -E- Khairul Bashar Ya Fatima.

Aapke Dar Par Rahi Jiski Nazar Ya Fatima
Sajde Karta Hi Raha Wo Umr Bhar Ya Fatima.

Pet Par Patthar Udhar Rozon Pe Roze Hain Idhar
Aap Hain Wallah Ham Range Pidar Ya Fatima.

Aapke Aadaath Ki Milti Nahi Koi Misaal
Naaz Hai Niswaniyath Ko Aap Par Ya Fatima.

Aapke Walid Nabi Shauhar Wali Bete Imaam
Aapki Hasti Hai Kya Fauqul Bashar Ya Fatima.

Aapke Ghar Baarhaa Aaye Hain Jibreele Ameen
Leke Wahi -E- Khaliq -E- Jinn -O- Bashar Ya Fatima.

Hai Rasoolallah Par Quran Utarne Ki Jagah
Allah Allah Aapka Chota Sa Ghar Ya Fatima.

Rooe Sarkare Do Aalam Gesuye Khairul Wara
Hain Ye Dono Aapki Shaam -O- Sahar Ya Fatima.

Aap Parde Me Rasoolallah Ki Tasweer Hain
Baat Parde Ki Hai Ye Al Muqtasar Ya Fatima.

Aapki Ulfath Bhi Wirse Me Mili Hai Qadr Ko
Naaz Uska Hai Hai Bajaa Iss Baat Par Ya Fatima.