Aap Hain Sarkar Ki Noore Nazar Khairun Nisa

Aap Hain Sarkar Ki Noore Nazar Khairun Nisa

Aap Hain Sarkar Ki Noore Nazar Khairun Nisa
Aap Par Qurban Mera Ghar Ka Ghar Khairun Nisa.

Madare Mushfiq Khadija Aur Pidar Khairul Bashar
Hain Wo Aali Martab -O- Aali Gauhar Khairun Nisa.

Laqte Dil Hasnain Hain Shauhar Ali Mushkil Kusha
Sab Hain Ajzaaye Payambar Sar Ba Sar Khairun Nisa.

Ek Zara Takleef Hoti To Tadap Uth'te Nabi
Kis Qadar Mehboob Thin Laqte Jigar Khairun Nisa.

Haath Khaali Aapke Dar Se Koi Lauta Nahi
Aap Ka Dar Hai Badi Azmath Ka Dar Khairun Nisa.

Aabyaari Ki Hai Jisne Khoon Se Islam Ki
Hai Gharana Aapka Wo Motabar Khairun Nisa.

Aap Aatin To Bithaate Paas Uthkar Aapko
Aap Mehboobe Nabi Thin Kis Qadar Khairun Nisa.

Aapne Jis Tarha Dekha Hai Rasoolallah Ko
Uss Tarah Dekha Hai Kisne Aankh Bhar Khairun Nisa.

Di Bohot Pehle Rasoolallah Ko Jibreel Ne
Aap Hi Ki To Wiladat Ki Qabar Khairun Nisa.

Aapki Taqleed Maaon Ko Hai Aarif Laazmi
Degayi Maaon Ko Jeene Ka Hunar Khairun Nisa.