Mustafa Ki Aal Se Jab Se Muhabbat Hogayi

Kalaam of Ismail Qadeer Quadri Sahab

Mustafa Ki Aal Se Jab Se Muhabbat Hogayi
Be Gumaan Mujhpar Khuda Ki Khaas Rehmath Hogayi.

Panjatan Ke Paanch Naamon Ki Tilawat Ka Hai Faiz
Faqre Insaan Rashke Ghilmaan Meri Qismat Hogayi.

Haidare Karrar Ka Honton Pe Naara Dekh Kar
Lashkare Baatil Ko Mujhse Aur Haibath Hogayi.

Laakh Karlo Koshishen Phir Bhi Chura Sakte Nahi
Ya Ali Kehne Ki Ab To Mujhko Aadath Hogayi.

Panjatan Ke Zikr Ki Mehfil Sajaye Baitha Hoon
Aaj Meri Jhopdi Bhi Misle Jannat Hogayi.

Khidmate Aale Nabi Me Jab Se Aaya Hoon Qadeer
Meri Duniya Meri Uqba Meri Jannat Hogayi.