Unhi Marzi Pe Chal Raha Hoon
Unhi Marzi Pe Chal Raha Hoon
Kalaam of Hazrath Shaikhain Ahmed Shuttari (Kamil) R.a
Unhi Marzi Pe Chal Raha Hoon
Unhi Ki Marzi To Chal Rahi Hai
Ye Zindagi To Faqat Unhi Ke
Khushi Ke Saanchon Me Dhal Rahi Hai.
Na Dam Hi Poora Nikal Raha Hai
Na Aarzu Hi Nikal Rahi Hai
Na Jaane Kab Se Teri Tamanna
Hamari Godi Me Pal Rahi Hai.
Isse To Mehsoos Karsakegi
Faqat Koi Chashme Baadakash Hi
Kisi Ki Aankhon Se Kya Bataun
Sharaab Kitni Ubal Rahi Hai.
Unhi Ki Chashme Karam Ka Sadqa
Unhi Ke Ye Dam Qadam Ka Sadqa
Unhi Se Nisbath Ki Aad Lekar
Hamari Har Baat Chal Rahi Hai.
Bila Ta'aiyyun Jahan Hon Jalwe
Wahan Tere Kya Padega Palle
Nazar Hade Aitebaar Se Kyun
Qadam Badhakar Nikal Rahi Hai.
Wo Aitebaar -E- Nazar Se Unche
Wo Fikre Fehme Bashar Se Unche
Mai Jitni Qurbat Badha Raha Hoon
Wo Dooriyon Se Badal Rahi Hai.
Rahe Salamath Wo Aane Waala
Mareeze Gham Ne Liya Sambhala
Zara Zara Hosh Aaraha Hai
Zara Tabiyath Sambhal Rahi Hai.
Laga Jahan Dil Pe Daagh Kamil
Charagh Raushan Muraad Haasil
Hamari Marqad Pe Aake Dekho
Yehi To Ek Shamma Jal Rahi Hai.