Parwardigare Behrobar

Parwardigaare Behrobar
Aye Maalike Jinno Bashar
Taabe Tere Shamso Qamar
Har Shai Tere Zere Asar
Parwardigare Behrobar. (x2)

Mabood Tu Hi Bil Yaqeen
Tere Siwa Koi Nahin
Kya Aasmaan Aur Kya Zameen
Qam Hai Jahan Sab Ki Jabeen
Bas Ek Tera Aastaan
Bas Ek Tera Sange Dar

Dete Hain Tujhko Waasta
Hum Sahibe Meraj Ka
Saare Zamane Hain Tere
Saare Khazane Hain Tere
Tu Waqt Ki Raftaar Ko
Ek Baar Phir Se Mod De
Ham Aasiyon Ke Haath Me
Ghairon Ka Jo Kashkol Hai
Khudrat Se Apni Tod De
Aye Raaziqe Shaho Gada
Aye Khaaliqe Shaamo Sahar

Phir Saamne Firoun Hai
Khoon Rang Hai Daryae Neel
Phir Aatishe Namrood Ki
Zad Me Hai Aulade Khaleel
Fitnagaron Ki Chaal Se
Waqif Hai Tu Rabbe Jaleel
Phir Se Ababeelon Ko Bhej
Phir Aag Ko Gulzaar Kar.

Tu Wahide Bar Haq Bhi Hai
Tu Qaadire Mutlaq Bhi Hai
Ya Rab Ba Haqqe Mustafa
Tu Baqshde Apni Khata
Iss Millate Mazloom Ko
Iss Ummate Marhoom Ko
De Zindagi Kar Zinda Kar