Noor Ki Anjuman Fatima

Noor Ki Anjuman Fatima

Noor Ki Anjuman Fatima
Markaze Panjatan Fatima.

Arsh Se Banke Aayi Ho Tum
Murtaza Ki Dulhan Fatima.

Kehkashan Se Bhi Zyada Haseen
Tere Ghar Ka Chaman Fatima.

Teri Mamta Ke Hain Do Nayan
Ek Hussain Ek Hasan Fatima.

Khuld Ka Arsh Par Hai Dimagh
Chu Ke Tere Charan Fatima.

Boli Zainab Se Roohe Ali
Sar Utha Aur Ban Fatima.

Naare Dozakh Se Hai Tez Tar
Ho Jo Tujhse Jalan Fatima.

Tere Shauhar Ke Dar Se Mila
Hamko Rizqe Sukhan Fatima.

Ghair Ne Jisko Dekha Nahi
Tera Wo Pairahan Fatima.

Kab Kisi Maa Ne Paida Kiye
Phir Hussain -O- Hasan Fatima.

Hai Ye Qaul -E- Nabi Aye Sarosh
Mera Tan Mera Man Fatima.