Kaabe Ki Raunaq Kaabe Ka Manzar

Kalaam of Syed Sabihuddin Rehmani

Kaabe Ki Raunaq Kaabe Ka Manzar
Allahu Akbar Allahu Akbar
Dekhun To Dekhen Jaaun Barabar
Allahu Akbar Allahu Akbar.

Hamde Khuda Se Tar Hai Zabanein
Kaanon Me Ras Gholti Hai Azaanein
Bas Ek Sada Aarahi Hai Barabar
Allahu Akbar Allahu Akbar.

Tere Haram Ki Kya Baat Maula
Tere Karam Ki Kya Baat Maula
Taa Umr Karde Aana Muqaddar
Allahu Akbar Allahu Akbar.

Maangi Hai Maine Jitni Duaen
Manzoor Hongi Maqbool Hongi
Mizaabe Rehmath Hai Mere Sar Par
Allahu Akbar Allahu Akbar.

Hairat Se Khud Ko Kabhi Dekhta Hoon
Aur Dekhta Hoon Kabhi Mai Haram Ko
Laaya Kahan Mujhko Mera Muqaddar
Allahu Akbar Allahu Akbar.

Yaad Aagayi Jab Apni Khatayen
Ashkon Me Dhalne Lagi Iltejayen
Roya Ghilafe Kaaba Pakad Kar
Allahu Akbar Allahu Akbar.

Dekha Safa Aur Marwa Bhi Dekha
Rab Ke Karam Ka Wo Jalwa Bhi Dekha
Dekha Wahan Ek Saron Ka Samandar
Allahu Akbar Allahu Akbar.

Bheja Hai Jannat Se Tujhko Khuda Ne
Chooma Hai Tujhko Mere Mustafa Ne
Aye Sange Aswad Tera Muqaddar
Allahu Akbar Allahu Akbar.

Kaabe Ke Upar Se Jaate Nahi Hai
Kisko Adab Ye Sikhate Nahi Hai
Kitne Mu'addab Hain Ye Kabootar
Allahu Akbar Allahu Akbar.

Maula Sabih Aur Kya Chaahta Hai
Bas Maghfirath Ki Ataa Chaahta Hai
Baqshish Ke Taalib Pe Apna Karam Kar
Allahu Akbar Allahu Akbar.