Na Fikre Duniya Na Fikre Uqba
Na Fikre Duniya Na Fikre Uqba
Kalaam of Hazrath Altaf Samdani R.a
Na Fikre Duniya Na Fikre Uqba
Bade Maze Ki Ye Zindagi Hai
Karam Hai Mujhpar Mere Nabi Ka
Khuda Ki Rehmath Baras Rahi Hai.
Na The Sahar Ke Haseen Nazare
Na Chand Suraj Na Ye Sitaare
Mai Naqshe Paaye Nabi Ke Qurbaan
Usi Ki Saari Ye Raushni Hai.
Khud Apni Khudrat Ke Sab Khazane
Ataa Kiye Hain Use Khuda Ne
Faqeer Hai Jo Dare Nabi Ka
Usi Ko Hasir Tawangari Hai.
Wohi Mudassir Wohi Muzammil
Wohi Hai Yaseen Aur Taha
Khudaye Bartar Ke Baad Beshak
Unhi Ki Hasti Bohot Badi Hai.
Faraaze Arshe Bareen Ka Aalam
Basa Hua Hai Nazar Me Har Dam
Nabi Ke Naqshe Qadam Pe Jab Se
Hamari Nazrein Jami Hui Hai.
Nabi Ke Dar Se Mili Hai Izzat
Nabi Ke Dar Se Mili Hai Shohrath
Ba Faize Ishqe Rasoole Akram
Hamari Duniya Badal Gayi Hai.
Durood Altaf Padhte Rahiye
Nabi Ki Baatein Hi Karte Rahiye
Khuda Ne Uspar Karam Kiya Hai
Zubaan Pe Jiske Nabi Nabi Hai...