Phir Maang Phir Maang

Phir Maang Phir Maang

Kalaam of Amjad Hyderabadi

Har Cheez Musabbib -E- Sabab Se Maango
Minnat Se Khushamat Se Adab Se Maango
Kyun Ghair Ke Aage Haath Phailate Ho
Bande Ho Agar Rab Ke To Rab Se Maango..

Mayoos Saail Ne Jab Ghar Ki Raah Li
Aankhon Me Aansu The Thi Jholi Khaali
Itne Me Rehmath Jhunjhlaake Boli
Mayoos Jaata Hai Kyun Haath Khaali
Saail Idhar Aa Phir Maang Phir Maang.

Khush Hote Hai Ham Teri Sada Se
Aa Phir Sada De Dilkash Adaa Se
Aye Bande Mat Rooth Apne Khuda Se
Le Haath Phaila Phir Maang Phir Maang
Aa Aa Idhar Aa Phir Maang Phir Maang.

Kis Se Muqatib Hai Kya Kehraha Hai
Kya Teri Khwahish Hai Kya Muddua Hai
Sar Ko Patak Kar Kyun Roraha Hai
Ham Ne To Dene Ka Wada Kiya Hai
Le Haath Phaila Phir Maang Phir Maang.

Gira...
Wo Chahein To Had Se Siwa De
Daulat Ke Ambaar Lagade
Shart Hai Usko Dil Se Sada De
Band Hain Kya Darwaze Rab Ke
Kyun Phirta Hai Dar Par Sab Ke
Ye To Nahi Aadaab Talab Ke.

Sher...
Paida Sikandar Ko Kisne Kiya Tha
Haatim Ke Haathon Me Kisne Diya Tha
Tu Kya Samajhkar Wapas Chala Tha
Mayoos Jaane Ko Kisne Kaha Tha
Aa Aa Idhar Aa Phir Maang Phir Maang.

Ham Apni Shaane Rehmath Dikhayen
Teri Muradein Sab Bar Laayen
Tu Maangta Jaa Ham Dete Jaayen
Tu Chup Na Hoja Phir Maang Maang.

Ab Ye Sukoon Hai Ye Beqaraari
Zor Aur Zar Se Behtar Hai Zaari
Chaai Hai Tujhpar Rehmath Hamari
Har Dam Hamare Fazlo Karam Ka
Jaari Hai Dariya Phir Maang Phir Maang.

Tu Hai Bhikari Ham Hain Daata
Le Bharle Amjad Kaasa Hawas Ka
Ham Bhi To Dekhen Hai Zarf Kitna
Le Haath Phaila Phir Maang Phir Maang
Aa Aa Idhar Aa Phir Maang Phir Maang.