Mere Dil Ki Zameen Par Hai

Mere Dil Ki Zameen Par Hai

Mere Dil Ki Zameen Par Hai Qadam Zahra Ke Bacchon Ka
Meri Naslon Pe Hai Daste Karam Zahra Ke Bacchon Ka.

Zamane Ka Koi Bhi Ranj Usse Ruswa Nahi Karta
Sukoonat Paale Jis Seene Me Gham Zahra Ke Bacchon Ka.

Hazaaron Koshishen Karli Zamane Ne Jhukane Ki
Mujhe Jhukne Nahi Deta Bharam Zahra Ke Bacchon Ka.

Khuda Ke Fazl Se Izne Ziyarath Ka Sharaf Paaya
Zahe Qismat Mai Dekh Aaya Haram Zahra Ke Bacchon Ka.

Gulistan -E- Payambar Ka Har Ek Gul Hai Gule Tanveer
Mumaasil Hi Nahi Rab Ki Qasam Zahra Ke Bacchon Ka.

Nabi Ke Deen Ki Khaatir Kiye Qurban Bahattar Sar
Bhulayein Kis Tarha Ehsan Ham Zahra Ke Bacchon Ka.