Yaad Hai Shewae Ishqe Sitham Aijaad Mujhe

Kalaam of Kamil

Yaad Hai Shewae Ishqe Sitham Aijaad Mujhe
Aap Yaad Aaye To Phir Kuch Na Raha Yaad Mujhe.

Rehgayi Sirf Yehi Ek Dua Yaad Mujhe
Wo Salamath Rahe Jisne Kiya Barbaad Mujhe.

Itsifaate Nigahe Yaar To Yoon Bhi Thehra
Hai Beher Haal Karam Haasile Bedaad Mujhe.

Raat Din Ek Naya Khel Nazar Aata Hai
Cinema Ghar Hai Ye Sab Aalame Aijaad Mujhe.

Ek Majboore Muhabbat Ki Zabaan Kya Khulti
Sharm Rakhli Jo Na Dee Ruqsate Fariyad Mujhe.

Yaad Aa Aa Ke Satane Se Bhala Kya Hasil
Kya Ye Mumkin Nahi Farmayen Kabhi Yaad Mujhe.

Mere Sayyad Ne Rakkha Hai Aseere Ehsaan
Aur Paband Kiya Chor Ke Aazaad Mujhe.

Chand Wo Chand Ke Jis Chand Se Qismat Chamke
Eid Usi Din Meri Jis Din Wo Karen Yaad Mujhe.

Naaz Hai Jinki Ghulami Pe Azal Se Kamil
Wo To Hone Nahi Dega Kabhi Barbaad Mujhe.