Manzar Faza -E- Dahr Me Saara Ali Ka Hai

Kalaam of Peer Naseer Uddin Naseer

Manzar Faza -E- Dahr Me Saara Ali Ka Hai
Jis Simt Dekhta Hoon Nazara Ali Ka Hai.

Duniya -E- Aashteen Ki Phaban Mujtaba Hasan
Laqte Jigar Nabi Ka To Pyara Ali Ka Hai.

Hasti Ki Aabo Taab Hussain Aasman Janaab
Zehra Ka Laal Raaj Dulara Ali Ka Hai.

Marhab Do Neem Hai Sare Maqtal Pada Hua
Uthne Ka Ab Nahi Ke Ye Maara Ali Ka Hai.

Kul Ka Jamaal Juz Ke Chehre Se Hai Ayaan
Ghode Pe Hai Hussain Nazara Ali Ka Hai.

Ahle Hawas Ki Luqmae Tar Par Rahi Nazar
Naane Jawee Pe Sirf Guzara Ali Ka Hai.

Tum Daql Derahe Ho Aqidath Ke Baab Me
Dekho Muaamla Ye Hamara Ali Ka Hai.

Ham Faqr Mast Chahne Waale Ali Ke Hain
Dil Par Hamare Sirf Ijara Ali Ka Hai.

Ashaar Padhke Mehdi -E- Dauran Ka Yoon Laga
Jaise Zahoor Wo Bhi Dubara Ali Ka Hai.

Duniya Me Aur Kaun Hai Apna Bajuz Ali
Hum Bekason Ko Hai To Sahara Ali Ka Hai.

Ashabi'kan Nujoom Ka Irshaad Bhi Bajaa
Sabse Magar Buland Sitara Ali Ka Hai.

Tu Kya Hai Aur Kya Hai Tere Ilm Ki Bisaat
Tujh Par Karam Naseer Ye Saara Ali Ka Hai.