Ahle Nazar Ki Aankh Ka Taara Ali Ali

Kalaam of Aazam Chishti Sahab

Ahle Nazar Ki Aankh Ka Taara Ali Ali
Ahle Wafa Ke Dil Ka Sahara Ali Ali.

Rehmat Ne Leliya Mujhe Aaghoshe Noor Me
Maine Kabhi Jo Ro Kar Pukara Ali Ali.

Ek Kaif Ek Suroor Sa Rehta Hai Raat Din
Jab Se Hua Hai Wird Hamara Ali Ali.

Kaabe Ke Buth Giraaye Nahi Apne Haath Se
Hazrath Ne Muskuraake Pukaara Ali Ali.

Duniya Me Sab Se Aali Gharane Ke Noor Ho
Iss Waaste Hai Naam Tumhara Ali Ali.

Maula Ho Tum Jahan Ke Qaule Rasool Hai
Kyun Na Lagaun Naara Tumhara Ali Ali.

Aazam Ye Maghfirath Ki Sanad Hai Hamare Paas
Ham Hain Ali Ke Aur Hamara Ali Ali.