Ali Ke Chahne Waale Ali Ka Wasf Paida Kar

Kalaam of Ismail Quadri

Ali Ke Chahne Waale
Ali Ka Wasf Paida Kar.

Faqeeri Par Teri Har Taajwar Qurban Hojaye
Jo Mil'le Tujhse Kafir Sahibe Imaan Hojaye
Ali Ke Ishq Me Tu Doob Kar Kuch Kaam Aisa Kar.

Masail Chor Kar Saare Namaze Ishq Padhta Jaa
Nahi Hai Apne Jo Seene Se Unko Bhi Lagata Jaa
Muhabbat Ke Charaghon Se Zamane Me Ujala Kar.

Adu Ko Jaam Dene Ki Riwayat Kehti Hai Tujhse
Mere Maula Ke Faaqe Aur Saqawat Kehti Hai Tujhse
Jo Waqt Aajaye To Phir Deen Par Sab Kuch Lutaya Kar.

Muballigh Deen Ka Bankar Tu Ban Kar Nafs Ka Ghaazi
Khuda Ke Saath Me Yoon Panjatan Ko Karta Jaa Raazi
Haqiqi Ishq Hai Tu Har Ghadi Bas Maula Maula Kar.

Khulega Raaz Jab Tujhpar Ke Ishqe Murtaza Kya Hai
Khuda Khud Tujhse Poochega Bata Teri Raza Kya Hai
Charaghe Uswa -E- Haidar Se Raushan Apni Duniya Kar.

Qadeer -E- Quadri Ki Baat Itni Yaad Rakh Bhai
Umeed -E- Raushni Mat Rakh Kisi Se Tu Hai Maulayi
Ke Bankar Khud Sitara Dahr Me Tu Jagmagaya Kar.