Muhabbath Sayyada Ki Jis Kisi Dil Ko Bhi Hasil Hai

Muhabbath Sayyada Ki Jis Kisi Dil Ko Bhi Hasil Hai

Muhabbath Sayyada Ki Jis Kisi Dil Ko Bhi Hasil Hai
Paye Tazeem Wo Dil Sar Pe Rakhlene Ke Qabil Hai.

Jo Azmath Fatima Ki Hai Wo Hai Khoone Shahe Waala
Yahan Par Band Hojata Har Ek Baabe Fazail Hai.

Agar Hai Aaftabe Charqe Mardaan Murtaza Haidar
To Zahra Aasmane Sanfe Zan Ki Badre Kamil Hai.

Nahi Jo Aashnaye Lutfe Hubbe Ahle Baite Paak
Haqiqath Me Agar Poocho To Wo Fitrath Se Ghafil Hai.

Rahun Mehwe Talab Har Dam Na Kyun Darbare Aali Me
Ataaye Fatima Har Waqt Jab Dene Pe Maa'il Hai.

Ishara Aapka Hoga To Haazir Honga Qadmon Me
Bazahir Kuch Wasaail Hain Na Umeede Wasaail Hai.

Zaki Ko Kyun Satayengi Bhala Kotaah Daamani
Khusha Qismat Ke Wo Zahra Ke Dar Ka Ek Saail Hai.