Ganjeena -E- Rasool Ka Heera Hain Fatima

Ganjeena -E- Rasool Ka Heera Hain Fatima

Ganjeena -E- Rasool Ka Heera Hain Fatima
Haidar Ke Daste Haq Me Nageena Hain Fatima.

Yoon To Banaat Chaar Hain Sarkar Ki Magar
Kuch Aur Hi Huzoor Ka Jalwa Hain Fatima.

Baitul Sharaf Se Koi Bhi Khaali Nahi Gaya
Fazlo Karam Ka Aisa Hi Dariya Hain Fatima.

Sar Pe Amama Rakhte Hi Asraar Wa Hue
Wo Raazdaare Sayyade Waala Hain Fatima.

Hasnain Ne Jo Deen Ka Danka Bajadiya
Batil Ke Mu Pe Haq Ka Tamacha Hain Fatima.

Kehtin Yehi Thin Hazrate Siddiqa Ayesha
Noore Nabi Ka Husne Sarapa Hain Fatima.

Binte Rasool Kyun Na Ho Khairun Nisa Jaree
Khairul Wara Ki Jaane Tamanna Hain Fatima.