Sartaaj -E- Rusul Hazrate Sultane Madina

Kalaam of Hazrath Shaikhain Ahmed Shuttari (Kamil) R.a

Sartaaj -E- Rusul Hazrate Sultane Madina
Aye Salle Alaa Azmate Sultane Madina.

Quran Bhi Naatiq Hai Faqat Mai Nahi Kehta
Hai Taaqate Haq Taa'ate Sultane Madina.

Samjhun Ke Mujhe Hogaya Deedar Khuda Ka
Hojaye Agar Rooyate Sultane Madina.

Allah Dikhade To Mai Dil Cheer Ke Rakh Loon
Wo Surate Haq Surate Sultane Madina.

Ushshaq Ki Jannat To Haqiqath Me Wahin Hai
Hojaye Jahan Rooyate Sultane Madina.

Sadqa Mere Sarkar Ka Kisne Nahi Paaya
Kaunain Pe Hai Rehmate Sultane Madina.

Iss Haal Me Aaram Se Mai Jee Nahi Sakta
Tadpaye Na Kyun Fuqate Sultane Madina.

Kuch Farq Nahi Hubbe Khuda Hubbe Nabi Me
Hai Ulfate Haq Ulfate Sultane Madina.

Kamil Sa Gunahgar Bhi Baqshagaya Dekho
Allahu Ghani Nisbate Sultane Madina.