Khuda Daani Kahan Mumkin
Khuda Daani Kahan Mumkin
Kalaam of Hazrath Khwaja Shouq Sahab
Khuda Daani Kahan Mumkin Shahe Abraar Se Pehle
Nahi Kalma Mukammal Aapke Iqraar Se Pehle.
Khula Noore Azal Jab Markaze Anwaar Se Pehle
Koi Miyaar Aisa Hi Na Tha Sarkar Se Pehle.
Khudai Me Maqaame Mustafai Dhoondne Waalon
Khudai Khud Kahan Thi Aapke Izhaar Se Pehle.
Kiran Iqra Ki Lehrayegi Aou Adna Ki Manzil Par
Farishton Ko Qabar Kya Thi Hira Ke Ghaar Se Pehle.
Ye Kya Kam Maujza Hai Baadme Quran Utra Hai
Banai Hai Fiza Sarkar Ne Kirdar Se Pehle.
Shabe Meraj Ne Afkaar Ke Dhaare Badal Daale
Koi Waqif Kahan Tha Noor Ki Raftaar Se Pehle.
Libaase Mislukum Me Hai Tajalli Ganje Maqfi Ki
Khuda Se Jisko Milna Wo Mile Sarkar Se Pehle.
Huzoor Aaye To Surat Haq Numai Ki Nikal Aayi
Tasawwur Haq Ka Kya Tha Ahmede Muqthar Se Pehle.
Ataa Ki Kisne Mushte Khaak Ko Parwaaze Aflaaki
Do Aalam Me Bataao Ek To Sarkar Se Pehle.
Dikhaenge Qadam Aaqa To Marjaunga Qadmon Par
Nahi To Shouq Marna Kisko Hai Deedar Se Pehle.