Ghulami Ka Darja Bataye To Bas Hai

Kalaam of Masroor Aabedi Sahab

Ghulami Ka Darja Bataye To Bas Hai
Wo Qadmon Me Mujhko Bithaye To Bas Hai.

Meri Ilteja Rang Laaye To Bas Hai
Nabi Sunke Gar Muskuraye To Bas Hai.

Mai Pair Unke Dho Dho Ke Peeta Rahunga
Mere Ghar Me Sarkar Aaye To Bas Hai.

Ho Saanson Me Taiba Ki Thandi Hawayein
Mere Dil Se Khushbu Na Jaaye To Bas Hai.

Bulaye Wo Nazdeek Ya Door Rakhe
Ghulamon Me Naam Apna Aaye To Bas Hai.

Mai Aaghoshe Jannat Me Mehka Karunga
Wo Apna Paseena Sunghaye To Bas Hai.

Tasawwur Me Taiba Ke Dooba Rahun Mai
Usi Me Meri Jaan Jaaye To Bas Hai.

Hai Masroor Aaqa Se Darkhwast Itni
Mujhe Dar Pe Phir Se Bulaye To Bas Hai.