Koi To Hai Jo Nizaame Hasti

Koi To Hai Jo Nizaame Hasti

Koi To Hai Jo Nizaame Hasti
Chalraha Hai Wohi Khuda Hai
Dikhai Bhi Jo Naa De Nazar Bhi
Jo Aaraha Hai Wohi Khuda Hai.

Nazar Bhi Rakhein Sama'atein Bhi
Wo Jaan Leta Hai Niyyatein Bhi
Jo Khana -E- Laa Shaoor Me
Jagmaga Raha Hai Wohi Khuda Hai.

Talash Usko Na Kar Buton Me
Wo Hai Badalti Hui Ruton Me
Jo Din Ko Raat Aur Raat Ko Din
Bana Raha Hai Wohi Khuda Hai.

Kisi Ko Taaje Waqar Baqshe
Kisi Ko Zillat Ki Khaar Baqshe
Jo Sab Ke Haathon Pe Mohre Qudrath
Laga Raha Hai Wohi Khuda Hai.

Safed Uska Siyah Uska
Nafas Nafas Hai Gawah Uska
Jo Shammae Jaan Jala Raha Hai
Bujha Raha Hai Wohi Khuda Hai.