Tumhe Dillagi Bhool Jaani Padhegi

Kalaam of Purnam Allahabadi

Tumhe Dillagi Bhool Jaani Padhegi
Muhabbat Ki Raahon Me Aakar To Dekho
Tadapne Pe Mere Na Phir Tum Hasoge
Kabhi Dil Kisi Se Laga Kar To Dekho.

Dillagi Bhool Jaani Padegi Tumhe Dillagi. (x4)

Gira…
Hoton Ke Paas Aaya Hasi Kya Majaala Hai
Dil Ka Muamla Hai Koi Dillagi Nahi.

Zakhm Pe Zakhm Khaa Ke Jee
Apne Lahu Ke Ghoonth Pee
Aah Na Kar Labon Ko See
Ishq Hai Dillagi Nahi.

Dil Laga Kar Pata Chalega Tumhe
Aashiqui Dillagi Nahi Hoti.

Kuch Khel Nahi Hai Ishq Ki Laag
Paani Na Samajhiye Aag Hai Aag.

Khoon Rulayegi Ye Lagi Dil Ki
Khel Samjho Na Dillagi Dil Ki.

Ye Ishq Nahi Aasan Bas Itna Samajhlije
Ek Aag Ka Dariya Hai Aur Doob Ke Jaana Hai.

Wafaon Ki Humse Tawaqqo Nahi Hai
Magar Ek Baar Aazma Kar To Dekho
Zamane Ko Apna Bana Kar To Dekha
Hame Bhi Tum Apna Bana Kar To Dekho.

Khuda Ke Liye Chor Do Ab Ye Parda
Ke Hain Aaj Hum Tum Nahi Ghair Koi
Shab -e- Wasl Bhi Hai Hijaab Iss Qadar Kyun
Zara Rukh Se Aanchal Utha Kar To Dekho.

Giraa....
Ham Na Samjhe Teri Nazron Ka Taqaza Kya Hai
Kabhi Parda Kabhi Jalwa Ye Tamasha Kya Hai.

Rukh Se Naqab Utha Ke Badi Der Hogayi
Mahol Ko Tilawate Quran Kiye Hue.

Jafa'ein Bohot Ki Bohot Zulm Dhaaye
Kabhi Ek Nigaahe Karam Iss Taraf Bhi
Hamesha Hue Dekh Kar Mujh Ko Barham
Kisi Din Zara Muskura Kar To Dekho.

Jo Ulfat Me Har Ek Sitam Hai Gawara
Ye Sab Kuch Hai Paas -e- Wafa Tumse Warna
Sataatey Ho Din Raat Jis Tarha Mujhko
Kisi Ghair Ko Yoon Sataa Kar To Dekho.

Agar'che Kisi Baat Par Wo Khafa Hai
To Accha Yehi Hai Tum Apni Si Karlo
Wo Maane Na Maane Ye Marzi Hai Unki
Magar Unko Purnam Manaa Kar To Dekho…