Qaaim Rahe Ilaahi Ye Madrasa Hamara

Qaaim Rahe Ilaahi Ye Madrasa Hamara
Islamiyath Ka Markaz Ye Madrasa Hamara.

Mushfiq Asaateza Hain Shagird Hain Mo'addab
Hota Hai Tay Bakhoobi Har Marhala Hamara.

Darse Hadees -O- Fiqh Maqsood -O- Muddua Hai
Tehseel Ilme Quran Hai Mashghala Hamara.

Sab Maante Hain Loha Taleem Ka Hamari
Duniya Ke Jamiyon Me Hai Tazkira Hamara.

Tauheed Ki Isha'ath Tafweez Hai Hamare
Takzeebe Kufr -O- Baatil Hai Zaabta Hamara.

Allah Ne Banaya Hai Hamko Khaire Ummat
Sardare Ambiya Se Hai Silsila Hamara.

Aage Qadam Badhake Hat'te Nahi Hai Peeche Aalam Pe Aashkaara Hai Hausla Hamara.

Afsar Ki Ye Dua Hai Khallaaq -E- Do Jahan Se Uncha Rahe Jahan Me Ye Jamia Hamara.
---------------------

Purnoor Karke Lauta Haq Ki Tajalliyon Se
Zulmath Kade Me Pohoncha Jab Khafila Hamara.

Naame Khuda Ka Sikka Jaari Kiya Zameen Par
Hai Yaad Aasman Ko Har Muarka Hamara.

Insaaf -O- Adl Par Hai Qaim Hamara Mazhab
Aghiyaar Maante Hain Har Faisla Hamara.

Hamko Nahi Tanaffur Hamko Nahi Ta'assub
Har Qaum Se Masaawi Hai Raabta Hamara.

Payega Ek Hami Ko Amn -O- Amaan Ka Haami
Le Sidqe Dil Se Koi Gar Jaaiza Hamara.

Haq Ke Liye Jiyenge Haq Hi Pe Mar Miteinge Haq Hi Ataa Karega Hamko Sila Hamara.
Islam Ne Banaya Hai Hamko Bhai Bhai
Hal Ittehad Par Hai Har Mas'ala Hamara.

Qaim Rahe Deccan Me Ye Jamia Hamara
Taleem Gaah Yehi Hai Islamiya Hamara.
---------------------

Ho Ilme Deen Ja Mamba Qaim Sada Hamara
Hai Aarzu Hamari Aur Muddua Hamara.

Allah Ko Jaante Hain Allah Ko Maante Hain
Ham Hain Khuda Ke Bande Wo Hai Khuda Hamara.

Allah Ke Jo Nabi Hain Mehboob Hain Hamare
Hubbe Muhammadi Hai Shewa Sada Hamara.

Ibrahim Aur Ishaq, Ismail Aur Yousuf
Yahiya Nabi Hamare Aur Zakariya Hamara.

Aadam -O- Nooh -O- Isaa, Idrees Aur Moosa
Saare Payambaron Se Hai Silsila Hamara.

Dawood Aur Sulaiman, Ayub Hon Ke Younus
Sadrus Sudoor Sabka Hai Mustafa Hamara.

Bu Bakr Aur Umar Ka Usman Aur Ali Ka
Khulafa -E- Rashideen Ka Hai Maikada Hamara.

Ilme Hadees -O- Fiqh Padhte Hain Ham Yahan Par
Jaari Rahe Ilaahi Ye Silsila Hamara.