Ali Ke Saath Hai Zahra Ki Shaadi

Sabhi Khush Hain Khudayi Bhi Khuda Bhi
Ali Ke Saath Hai Zahra Ki Shaadi.

Ladka Hai Khuda Ke Ghar Ka
Ladki Hai Nabi Ke Ghar Ki
Ye Arzo Sama Ka Maalik
Wo Malika Behrobar Ki
Zameen Raksaan Hai Raksaan Aasman Bhi
Ali Ke Saath Hai Zahra Ki Shaadi.

Haidar Hai Kulle Imaan
Aur Kulle Ismath Zahra
Us Sar Pe Wafa Ka Sehra
Iss Sar Pe Haya Ka Sehra
Wo Shehzada Hai Aur Ye Shaahzadi
Ali Ke Saath Hai Zahra Ki Shaadi.

Dulha Ke Roop Me Pyaare
Ali Ibne Abu Taalib Hain
Tha Baap Bhi Sab Se Ghalib
Ye Bhi Kulle Ghalib Hain
Ye Damade Nabi Hai Aur Wo Sambdhi
Ali Ke Saath Hai Zahra Ki Shaadi.

Baraat Chali Haidar Ki
Rehmath Ke Saaye Saaye
Baraat Ke Aage Aage
Quran Qaside Gaaye
Nabi Saare Chale Bankar Baraati
Ali Ke Saath Hai Zahra Ki Shaadi.

Tohfe Me Mile Mehk Aise
Inhe Jannat Aur Kausar Ko
Ye Saara Namak Aur Paani
Haq Mehr Mila Zahra Ko
Salaami Me Mili Marzi Khuda Ki
Ali Ke Saath Hai Zahra Ki Shaadi.

Qudrat Ki Taraf Se Inko
Abhi Tohfe Aur Milenge
Kal Inke Haseen Aangan Me
Do Asli Phool Khilenge
Haseen Shajrein Jinhe Denge Salaami
Ali Ke Saath Hai Zahra Ki Shaadi.

Ab Chahe Koi Bhadke
Ab Chahe Koi Bhi Tadpe
Ab Meri Balaa Se Chahe
Marjaye Koi Jal Jal Ke
Khushi Ki Baat Thi Maine Sunadi
Ali Ke Saath Hai Zahra Ki Shaadi.

Kaise Ho Bayaan Wo Manzar
Jab Hogayi Saari Rasmein
Kaunain Ki Har Shai Gauhar
Kehti Thi Kha Kar Qasmein
Mubarak Hai Mubarak Hai Ye Shaadi
Ali Ke Saath Hai Zahra Ki Shaadi....
.