Ye Aarzu Nahi Hai Ke Qaaim Ye Sar Rahe

Ye Aarzu Nahi Hai Ke Qaaim Ye Sar Rahe

Ye Aarzu Nahi Hai Ke Qaaim Ye Sar Rahe
Meri Dua To Hai Ke Tera Sange Dar Rahe.

Aye Saaqi Teri Khair Tere Maikade Ki Khair
Aisi Pilaa Ke Jiska Nasha Umr Bhar Rahe.

Furqat Ki Sakhtiyan Mujhe Manzoor Hain Magar
Itna Zaroor Ho Ke Tujhe Bhi Khabar Rahe.

Aye Jaane Jaan Tu Hi To Hai Maqsoode Kayenaat
Mera Nishaan Rahe Na Rahe Tu Magar Rahe.

Aazam Ye Aarzu Hai Ke Marne Ke Waqt Bhi
Surath Huzoor Ki Mere Peshe Nazar Rahe.