Har Bulandi Aagayi Hai Zere Paaye Fatima

Kalaam of Altaf Samdani

Har Bulandi Aagayi Hai Zere Paaye Fatima
Kaise Mumkin Hosake Hamse Sana -E- Fatima.

Noor Hi Bas Noor Hai Aur Noor Ki Tafseer Hai
Bolta Quran Hai Ek Ek Ada -E- Fatima.

Mustafa Ko Sab Ne Dekha Baat Hai Maani Hui
Dar Haqiqath Kisne Dekha Hai Siwaye Fatima.

Mustafa Ke Waaste Se Maang Kar Dekho Zara
Har Qadam Par Kaisi Hoti Hai Ataa -E- Fatima.

Do Jahan Me Har Kisi Ke Kaam Aata Hai Khuda
Aapke Bacche Khuda Ke Kaam Aaye Fatima.

Paikare Niswaniyath Me Dhaal Kar Apni Anaa
Naam Rakha Fatima Khud Hi Khudaye Fatima.

Silsila Dar Silsila Taqdeer Mere Saath Hai
Silsila Dar Silsila Mai Hoon Gadaaye Fatima.

Ek Wohi Insaan Hai Altaf Qismat Ka Dhani
Do Jahan Me Jisko Haasil Hai Dua -E- Fatima.